Se vre nan nòt Lapolis la pibliye sou paj Facebook, yo enfòme se divès inite nan kò polis la ki te mennen operasyon Fon Cheval la. Nou an mezi pou konfime te gen ajan BSAP ki te pote ranfò pou operasyon sa a te ka reyisi tou. Moun Mibalè te fè yon sèl ak ajan BSAP avan ak pandan operasyon sa a ki voye chèf bandi “Avyon” ak tout frè li a anba tè. UDMO Sant te kanpe rèd nan kad operasyon sa a tou.
Menmsi Lapolis pat mansyone sipò ajan BSAP yo ki te sou plas men manm popilasyon an, sitou moun Mibalè konfime sa e gen divès videyo ki montre sa.
