Gang yo bay twòp pwoblèm nan peyi Dayiti sa ki lakoz ti moun yo ap manyen gwo zam. Etazini, atravè Nasyon Zini deside pou voye yon fòs entènasyonal pou vin ede Lapolis fè fas kare ak gang yo daprè sa depite Sheila Cherfilus McCormick deklare nan mikwo VOA kreyòl. Ameriken pran trè o serye aksyon gang yo nan peyi a yo deside pase yon vitès siperyè toujou daprè manm kongrè ameriken an. Nou pa gen lòt chwa ke voye yon fòs etranjè pou pwoteje malere yo.
Sa gen kèk tan depi anpil pawòl ap pale kote entènasyonal la ap niche pwent kreyon l pou vin debake ak yon fòs ame pou mete lapè nan peyi a. Fwa sa a, sanble kawòt la pral kwit tout bon si n kwè sa kongresmann nan deklare a. Lapolis sou wout pou jwenn èd pou al fè fas kare ak gang yo nan peyi a.
