Alòske gouvènman dominiken an mande pou Leta ayisyen kanpe konstriksyon kanal k ap fèt larivyè Masak la, popilasyon an di se wè pou yo wè sa. Avèk asistans ansyen senatè Walnique Pierre ak asistans kèk ajan BSAP, konstriksyon ap kontinye jiskounye a. Sèlman poko janm gen yon manm gouvènman an ki rive wè kouman moun sa yo ye.
Daprè plizyè temwanyaj yo bay, moun Wanament di travay sa a defen prezidan Jovenel Moïse te kòmanse nan rivyè Masak la, li pa dwe kanpe. Sofke yo ta swete Ariel Henry di yon mo nan bagay sa a, si l se ayisyen tout bon.
