Òganizasyon non gouvènmantal Oxfam fè konnen gwo fòtin mondyal yo jiskaprezan pa afekte ak Covid-19 la, mete sou sa pandemi an ranfòse yo.
10 moun ki pi rich yo sot genyen 500 milya dola ane pase a, kòb sa t ap itil pou devlope yon vaksen pou tout mond lan oubyen anpeche mond lan tonbe nan povrete. Se yon gwo diferans ant rich ak pòv yo, daprè ONG Oxfam international.
Kèk milyadè tankou Jeff Bezos, 200 milya dola (Amazon), Elon Musk, 188,5 milya dola (Tesla) ak Bernard Arnault, 108 milya dola (LVMH), pami 10 lòt rich, genyen plis kòb pase 85 peyi ki pi pòv nan mond lan, sitou pandan peryòd pandemi kowonaviris la fòtin yo ogmante.
Mil moun ki pi rich yo rejwenn richès yo nan 9 mwa sèlman, alòske pòv yo kapab pran plis pase 10 lane pou relve ekonomi yo.
Pooshy Rosana
