Malgre te gen yon ti bese wikenn pase a, mobilizasyon popilè kont gouvènman Ariel Henry ap dirije a pa febli. Nan tout gran vil yo nan peyi se te gwo leve kanpe. Gonayiv, Jakmèl, Okap se kèk nan vil ki te gen gwo manifestasyon. Nan Pòtoprens ak kèk komin ki anviwone l pi fò Bank ak biznis pat ka fonskyone, sitou nan komin Dèlma. Djòb la te di pou Lapolis.
Anpil kote se te kawotchou ki t ap boule. Gwo altèkasyon ant manifestan ak fòs lòd yo. Patou kote nan peyi a, tout pòt lekòl yo rete fèmen alòske jodi a te dwe make premye jou lekòl la sou tout zile a. Gouvènman an nan gwo tèt chaje paske pèp la mande fòk li bay jarèt li nan tèt peyi a.
