Pou nouvèl ane fiskal la, PM Ariel Henry ak akolit li yo mete nan bidjè a: 39 milya goud pou MTPTC. Tandiske pi fò wout nan kapital la bloke akoz lapli a k ap tonbe chak jou Bondye mete dènye jou sa yo. Tout wout pou dlo ki sòti nan mòn yo ta pase bouche, sa ki lakoz se nan lari a ak kay moun dlo ak fatra yo antre. Rosemond Pradel, manm pati Fizyon di sa pa gade l.
N ap sonje nan tout emisyon nan peyi a, sou Jovenel Moïse, se taboularaza Rosemond Pradel t ap mande paske ansyen pouvwa a pa t ap regle anyen selon li menm. Kounye a li vini nan tèt Ministè sa a, menm yon twou rat li poko bouche kòm enjenyè.
