Mikanò touye pou pi piti 50 lòt moun nan fen semèn sa a daprè enfòmasyon ansyen majistra komin Site Solèy la ki rele Esaie Bauchard, pataje ak laprès. Pami moun sa yo gen ti moun tou. Li akize yo kòm moun k ap bay medya enfòmasyon sou masak li te fè semèn pase a. Daprè ansyen majistra a, se anviwon 300 mò chèf teworis la fè nan Site a. Pami viktim yo, gen yon tifi 14 lane ki ansent, kriminèl yo mete dife nan kay kote l t ap viv la sou li ak tout manman l.
Mikanò ap fè yon masak mistik nan Site Solèy e mesye k ap dirije yo gen mwayen pou ta frennen l, se vle yo pa vle.
