Ansyen prezidan Michel Joseph Martelly te antre nan peyi a yon jou avan desizyon Kanada te pran pou sanksyone l akoz li nan zafè finanse gang. Daprè sous nou yo, nimewo 1 PHTK a pase wikenn li Ayiti e ayè lendi 21 novanm nan, li retounen Miami. Daprè enfòmasyon yo se pa sendomeng li te pase pou antre kay tonton Sam.
Ansyen prezidan an sanble te gentan okouran de sa k ap tann li. Ayiti se sèlman kote yo kapab pran dènye refij yo aprè kèlkeswa sa ki ta rive yo lòt kote. Nou dwe sonje peyi Kanada site non Martelly pami moun ki anba sanksyon paske l ap finanse gang an Ayiti.
