Nan komin San Pedro Huamelula, majistra komin sa a VÃctor Hugo Sosa deside marye ak yon aligatò (kayiman) ki rele Alicia Adriana. “Mwen aksepte responsablite sa a paske nou renmen se sa ki enpòtan. Si pat gen lanmou pa t ap gen maryaj e se sa ki fè mwen deside marye ak prensès la”, pawòl majistra sa a k ap jere komin nan.
Li antre nan abitid komin sa kote depi 230 lane, jan de inyon sa yo fèt. Sa senbolize kontak ak latè pou mande lapli, pou grenn yo ka jème ak pou genyen lapè nan mitan abitan k ap viv nan komin sa a.
