Martine Moïse akonpanye ak youn nan avoka l yo, Paul Turner depoze yon plent kont moun ki akize nan asasina Jovenel Moïse yo devan Tribinal nan Miami. Lis moun yo pa rann piblik men avoka a fè konnen gen 11 lòt chèf akizasyon tankou: kou ak blese, agresyon, konspirasyon sivil pou n site sa yo ase. Daprè avoka a, mesye yo te aji ak vyolans pou yo te matirize epi asasinen prezidan an.
Se yon plent ki depoze anviwon 2 lane aprè lanmò Jovenel Moïse la. Nan pwosè ki fèt deja yo, yo mande pou yo dedomaje fanmi an e sou kèlkeswa fòm nan, moun sa yo ap peye daprè Paul Turner, avoka Martine Moïse la.
