Sekretè Jeneral pati politik Pitit Desalin nan te anonse yon mouvman pwotestasyon pou jounen vandredi 18 novanm nan devan lokal BINUH an pou al mande Etazini retire men l sou Ayiti. Jan tout moun te ka konstate l, mouvman sa a pat pote fwi paske patizan l yo pat reponn prezan. Moïse Jean Charles li menm tou pat ko rive nan mach sila a.
Ansyen senatè a toujou itilize dat istorik yo depi kèk tan pou òganize manifestasyon swa devan anbasad amerikèn oubyen lòt kote. Mouvman leve kanpe sa a pat pote fwi jan anpil moun t ap tann sa a.
