Odette Roy Fombrun, pwofesè, ekriven, mouri maten vandredi 23 desanm 2022 a. Se fanmi defen an ki konfime nouvèl la pou laprès. Li te fèt Pòtoprens nan lane 1917 epi li travèse ak 105 lane sou tèt li. Se youn nan pi ansyen pwofesè ak ekriven Ayiti janm konnen e atravè ouvraj li yo, li bèse anfans anpil jenerasyon nan peyi Dayiti. Li te gen yon fondasyon ki konstwi sou non l ki se Fondasyon Odette Roy Fombrun (FORF) ki an preparasyon pou rekonstwi yon lekòl nan Kanperen.
Lane pase a, yo te deja anonse lanmò ikon sa a menmsi li pat ko mouri vre. Peyi Dayiti pèdi yon moun ki te vrèman itil nan prèske tout domèn e anpil moun ki nan politik nan peyi a te konn tante chita avè l pou mande l konsèy.
