Machin Eric Jean-Baptiste la resevwa 14 plon. Dimansyon yo se 5.56. Eric pran yon sèl bal nan senti e sekirite li a ki se Peterson Vernius resevwa 3 bal e mouri sou plas. Yo ale ak bous li epi zam ki te nan machin nan daprè sa jij de pè Clément Noël ki t al konstate kadav yo rapòte. Nan moman atak la, malgre machin nan blennde yo pèse l jiskaske yo retire lavi Sekretè Jeneral RDNP a. PDG pè Letènèl Loto a te gentan ale lopital daprè sa pwòch li nan RDNP rapòte.
Machin lanmò a san pitye Ayiti. Eric Jean-Baptiste nan plizyè deklarasyon li te konn fè avan lanmò l te toujou konn repete gen plan k ap fèt pou asasine l. Kisa lajistis peyi Dayiti pral deside finalman? Antouka ankèt la ka toujou ap pousuiv, jan yo toujou di l.
