Wo Komisarya Dwa Moun nan Nasyon Zini mande peyi yo, Repiblik Dominikèn an patikilye pou l fè yon kanpe sou depòtasyon ayisyen ki lakay li yo. Prezidan dominiken an reponn pou di li fenk kare depòte yo e chif yo pral ogmante paske peyi l la granmoun, li p ap mache nan lojik Nasyon Zini an.
Luis Abinader ale pi lwen pou l di Dominikani se peyi ki plis ede Ayiti e yo se peyi ki plis viktim de jan ensekirite a ye toujou an Ayiti. Daprè jounal Listin Diario, prezidan dominiken an fè konnen li p ap kanpe ak depòtasyon yo e kantite yo ap ogmante.
