Kòdonatè Jeneral Synapoha a, Lionel Lazarre te nome e enstale kòm pòt pawòl an aprè nan Lapolis la ayè jedi a, dèyè do Michel-Ange Louis-Jeune. Akoz plizyè plent ki depoze kont li, Normil Rameau blije rantre lèt nominasyon Lionel Lazarre a, sa ki lakoz li tou pèdi nouvo djòb sa a. Plizyè moun di Lionel Lazarre te konn pran lajan nan men yo pou fè paspò pou yo li kenbe lajan yo e paspò yo pa delivre.
Pandan jounen an, Lionel Lazarre demanti enfòmasyon ki fè kwè li gentan revoke a, li di se sou rezo yo li wè rimè sa yo ap sikile, Direksyon Jeneral la poko di l anyen sou sa.
