Depi ayè samdi 23 desanm nan, gen yon lèt ki pote antèt Ministè Jistis ak Sekirite Piblik kòm kwa yo ta transfere chèf Pakè Miragwàn nan Grand Rivyèdinò. Depi sou siyati a, lèt la pa laverite paske lèt blam minis Emmélie Prophète Milcé te siyen voye bay komisè a pa menm avè l. Ministè Jistis deja demanti lèt sa a tou, depi menm jounen samdi a.
Èske se yon tès ekip ki sou pouvwa a ap fè pou pran pwa lari a sou yon evantyèl transfè komisè a? Antouka gen lòt moun ki di yo pa kwè gouvènman an t ap antre nan jwèt makab sa a.
