Lesly Voltaire, pitit gason politik Jean-Bertrand Aristide ranplase Edgard Leblanc Fils nan tèt Konsèy Prezidansyèl la pou 5 mwa. Nan diskou li fè aprè midi a, li fè konnen sa fè l mal pou l wè kòman Ayiti ap mal jere, kòman pèp ayisyen an ap viv nan salte ak lamizè e li di sa touche l anpil pou jan bandi ap kraze zo pèp ayisyen an. Li fè anpil pwomès devan tout gwo bawon Lavalas ki te prezan ak devan kategori yo toujou rele “pèp” la. Yon enstalasyon ki fèt nan anpil konfizyon.
Nan seremoni sa a, Edgard Leblanc pat mete pye, reprezantan Anbasad Kanada ak Etazini pat la men yo felisite nouvo prezidan an.
