Poutèt non l site pami moun ki touye Jovenel Moïse yo, ansyen Direktè Jeneral Lapolis la, Léon Charles, ekri Ministè Zafè Etranjè peyi d Ayiti pou l di l li demisyone nan pòs li kòm anbasadè Ayiti nan OEA. Ansyen chèf Lapolis la fè konnen li pran dezisyon sa a paske l vle defann tèt li nan zafè asasina Jovenel Moïse la. Ansyen DG Lapolis la di li sezi wè non l site nan òdonans jij la.
Pou Léon Charles, òdonans jij Voltaire a pa kanpe sou anyen. Nan sans sa a, li fè konnen li pral pran defans li pa rapò ak sa.
