Ansyen premye minis ak bon zanmi Michel Martelly a reponn byen vit peyi Kanada. M. Lamothe di lè l te premye minis, Ayiti te sòti sou lis nwa akoz se li ki te pèmèt gen 2 gwo rezo gang ki te kraze. Pi lwen, Laurent Lamothe di li pa janm pale ak Martelly depi 8 lane e pwofite mande Kanada pou l bay prèv pou sa li repwoche l yo. “Se akoz mwen te kraze 2 gwo rezo kidnapè an Ayiti ki fè m te pèdi djòb premye minis la”, daprè òm dafè a ki di se zafè biznis li l ap jere kounye a.
Laurent Lamothe mande gouvènman kanadyen pou l pwouve klè kou klèwòz ki gang li t ap finanse e konbyen kòb li bay gwoup ame sa a. Ansyen premye minis la egzije pou gen verite ki blayi sou dosye sa a, nan yon entèvyou li bay Haïti24.
