Reprezantan peyi Larisi ak Lachin nan konsèy sekirite Nasyon Zini jodi a denonse enkapasite Ariel Henry pou l rezoud kriz la. De (2) peyi sa yo mande rès Eta manm yo pou yo fè anpil pridans nan voye fòs etranjè nan peyi a. Yo ajoute popilasyon lokal la kapab mal entèprete sa e sa ka koz kriz la agrave.
Reyinyon k ap fèt nan konsèy sekirite Nasyon Zini an, se pou diskite sou si wi oubyen non y ap voye fòs etranjè an Ayiti pou vin batay kont gang yo. Desizyon final la gen pou sòti vrandredi k ap vini la a.
