Aprè plizyè èdtan kote polisye yo t ap tire kout zam ak bandi yo, yo reyisi pran kontwòl tout anviwonman Tèminal Vare a aprè midi jedi 3 novanm nan. Plizyè inite nan kò Polis la kanpe sou brenzeng yo nan tout zòn Vare a e yo sou wout pou libere tout perimèt yo.
Depi bonè nan jounen an, PNH la te plante pikèt li nan zòn sila a. Tout moun te ka tande volim katouch ki t ap tire ant polisye yo ak bandi yo. Yon nouvèl ki parèt soulajan men anpil moun swete pou sa pa rete la, pou PNH la kontwole espas la yon mannyè pou gaz la ale nan ponp yo.
