Lapolis mete anba kòd 2 endividi pou akizasyon vyòl sou yon tifi nan komin Mibalè, nan Sant peyi Dayiti. Toutfwa idantite agresè yo pa revele.
Viktim nan ki genyen 13 lane sèlman, sibi zak vyòl sila nan Kanj, yon lokalite nan komin Mibalè. Men okenn enfòmasyon pa bay sou swivi ki fèt pou akonpaye ti pitit la.
Ka vyòl sou tifi yo vin pi kouran nan peyi Dayiti, sitou nan zòn ki pi rekile yo. Si lapolis konn rive mete lapat sou kèk agresè, genyen lòt ki okipe gwo fonksyon nan Leta k ap sikile, pami yo vis delege Bomon nan Jeremi, Metzgard Chaumette, ki te vyole yon timoun 15 lane, jiskaprezan lapolis poko ka mete l anba kòd.
Pooshy Rosana
