Jason Pass, Sanzave ki te touye Mathurin avèk bofis li a resevwa bal anba men Lapolis New York maten mèkredi 1e novanm nan. Lapolis bare l nan yo machin aprè yo fin idantifye plak li, nan batay ak polisye yo, li t ap eseye chape lè yo tire li a. Daprè enfòmasyon nou jwenn, aprè yo fin kouri Lopital avèk li, li mouri nan men doktè yo.
N ap raple se dimanch 29 oktòb pase a vè 10è nan aswè Jason Pass te touye 2 mesye yo nan apatman kote yo te ye a. Lapolis nan Eta New York t ap bouske kriminèl sa a depi menm moman an.
