Phaidi Pierre ki gen 22 lane ak Legrand Enold ki gen 23 lane se 2 manm aktif baz Vitelòm ap dirije nan zòn Pènye a. Youn fèt Pòtoprens e lòt la fèt Petyon Vil men y ap viv Pènye 38. Lapolis prezante 2 ti malfra sa yo kòm nèg ki konn brake senp sitwayen, fè kidnaping ak asasina. Polisye yo mete men nan pat kasav yo Kafou Sent Klè. Se tou pre Akademi Polis la ki sou wout Frè a fòs lòd yo arete bandi sa yo.
Nou dwe konnen Vithelome inosan se yon puisan chèf gang ki aktif nan asasina, vòl, kidnaping pou n site sa yo ase. Se menm baz sa a ki te asasine komisè divizyonè Harington Rigaud vandredi 24 novanm nan.
