Si anpil kote kout zam t ap chante pou anpeche popilasyon an al manifeste, moun yo pat pran presyon. Nan Pòtoprens ak nan tout vil pwovens yo, anpil moun te desann nan lari a pou al defann dwa yo. Majorite manifestayon ki te genyen yo, tankou Okay ak Pòtoprens, Lapolis te itilize metòd ki pi sovaj pou kraze mobilizasyon yo. Kout gaz larimojèn, bal reyèl, se kèk mwayen fòs lòd yo te sèvi pou kraze mouvman popilè yo.
Nan Miso, Lapolis simen gaz sou yon manifestayon pati politik EDE t ap lanse, Claude Joseph pase yon move moman. Sa pat diferan pou Dèlma 32 ak Dèlma 48 kote Lapolis kouri dèyè manifestan yo.
