Eliezer Sori Rodríguez se non yon kiben otorite polisyè nan Sen Domeng arete pou trafik zam ak minisyon vandredi 12 me 2023. Li gen 51 lane e daprè medya dominiken yo, li fè pati yon rezo k ap achte zam voye nan peyi d Ayiti. Yo mete l nan yon avyon kòmèsyal pou voye l nan peyi Etazini kote l pral reponn kesyon sou sa yo repwoche l yo.
Selon rapò Direksyon dwàn Sendomeng bay, an 2021, yo te konfiske yon asenal zam ak minisyon, Eliezer te enplike nan dosye sa a. Ankèt la ap kontinye paske zam sa yo se an Ayiti yo t ap vini lè yo te sezi yo a.
