Polis Nasyonal la nan tèt kole ak Biwo Zafè kriminèl mare kou krab mèkredi 16 novanm nan yon sèten Eddy Badio nan Dèlma 19. Fòs lòd yo t ap bouske mouche sa a nan kad dosye ki enplike Limacson Mathieu ak Emmanuel Jean Juste yo te arete nan mwa me 2022 a pou trafik zam lagè ak minisyon nan Beladè. Daprè PNH la, mesye sa yo se prensipal sous k ap founi Vilaj de Dye ak Matisan zam.
Eddy Badio jwenn arestasyon l vè 1è 30 nan laprè midi e pou kouwè l ye la a, misye devan Direksyon Santral Polis Jidisyè a, l ap reponn kesyon ki gen pou wè ak sa yo akize li yo. Lapolis di li detèmine pou mete lapè nan repiblik la.
