Depi yèswa, fòs lòd yo ap mennen yon operasyon gason pa kanpe nan baz Ti Makak la nan Laboul ak lokalite ki anviwonnen l yo. Anpil katouch tire, bandi tonbe e gen lòt ki mete van nan vwèl yo. Daprè Teriel Telus, se menm bandi sa yo ki te pase pa raje al sòti Petyon-Vil ki jwenn ak zo grann yo maten an devan Komisarya Kanapevè a. Yo t ap tante al refijye yo nan baz bandi parèy yo.
Operasyon lapolis ap mennen nan Laboul ak Tomasen an se yon operasyon san kanpe, kote anpil nèg ak zam deja viktim pami yo, chèf baz la li menm.
