Tout kote ki gen klèb, otèl, ba, restoran, zòn estratejik yo, tout kote k ap gen aktivite festival, gen polisye k ap deplwaye pou tabli sekirite, si n kwè deklarasyon pòt vwa enstitisyon polisyè a, Gary Desrosiers. Daprè pòt pawòl la, yo chita pale ak majorite òganizatè pwogram pou fen lane a pou yo kapab mete kanpe yon bon plan pou PNH la kapab garanti sekirite popilasyon an.
Anons sa a fèt nan moman kote tout moun ap mande tèt yo ki plan sekirite posib CSPN nan ak wo grade PNH la kapab mete sou pye lè yo konsidere kantite dega malveyan ak zam yo fè nan peyi a, sitou pou ane 2023 a.
