Aprè gad fwontalye dominikèn te fin arete Midrène Manessa Millien ki se madanm Delege Beladè a ak tout anplwaye l Farah Joseph sou fwontyè Elias Piñas la, dosye a te nan men dominiken yo. Nan sans sa a, lajistis dominikèn mande kenbe madan Delege a pou 3 mwa prizon prevantiv akoz yo te jwenn 22 160 katouch diferan kalib nan machin li 8 novanm pase a.
Manessa Midrène Millien t ap tante antre Ayiti ak minisyon sa yo e pa ko gen twòp enfòmasyon sou ki kote l ta prale avèk minisyon sa yo. N ap raple nan deklarasyon li, delege a te di li wont pou sa ki pase a e li swete lajistis fè travay li.
