Gen kèk Senatè ak Depite ameriken ki trè enfliyan fè konnen yo gen gwo dout sou vini fòs miltinasyonal la nan peyi d Ayiti. Administrasyon Biden nan deside finanse fòs sa a ak 200 milyon dola, yo te voye mande kongrè a pou l vote 50 milyon toujou, se 10 milyon sèlman yo te deside debloke. Daprè Leslie Shedd, pòt pawòl komisyon Zafè Etranjè kongrè a, yo bezwen jwenn plis eksplikasyon sou misyon sa a men jiskaprezan gouvènman ameriken an poko di yo anyen.
Aprè Lakou Siprèm peyi Kenya ki bloke dosye sa a, se tou pa kongresmann ameriken yo ki di yo pa konprann kisa fòs miltinasyonal sa a ye. Yon lòt nouvèl ki montre si ayisyen pa deside chanje sa, blan an p ap fè anyen pou li.
