Rapò preliminè yo bay pliske 50 mò ak yon santèn kay ki boule nan komin Kenskòf soti dimanch 26 pou bout lendi 27 janvye pase a. Daprè Rezo Nasyonal k ap Defann Dwa Moun yo, premye minis Alix Didier gen gwo responsablite nan sa ki pase a paske kòm chèf CSPN, li te konnen sa t ap fèt men l pat deside fè anyen kont sa. RNDDH fè konnen se paske Didier pa renmen fòm tèt direktè PNH la e konfli ki gen ant yo a lakoz moun mouri an ven.
Tout peyi a konnen premye minis la bezwen revoke Rameau e pou l jistifye sa, li prefere kite Viv Ansanm masakre moun pou l ka montre se DG PNH la ki responsab.
