Yon ekip endividi nan vil Okap yo idantifye kòm patizan Moïse Jean Charles fè tantativ pou boule konsila dominiken an ki nan ri 8E. Enfòmasyon yo fè konprann se pou yo eksprime mekontantman yo parapò ak sa migran ayisyen yo ap konnen Sendomeng. Se yon lòt imaj senpatizan Pati pitit Desalin yo nan Nò peyi a bay ki ka jete plis move renome sou peyi Dayiti nan sans sa a.
Anpil sitwayen ayisyen dènye jou sa yo santi yo fristre pa rapò ak move trètman frè ak sè parèy yo ap sibi an Repiblik Dominikèn. Men anpil lòt kwè se nan tèt frèt pou pwoblèm yo poze e ayisyen ta dwe sispann travèse fwontyè a ilegalman.
