Anba lavil, sitou Channmas, zèfèyis Viv Ansanm yo kontinye fè montre se yo menm ki mèt ak senyè. Nan blòk Kafou Ayewopò, si se pat yon blennde ki te ateri, sa te ka pi mal paske teworis yo parèt aklè ak zam yo nan men yo san bliye Bon Repo, Kwadèboukè ak Kwadèmisyon, anba Dèlma, elatriye. Malgre tout jefò Lapolis ap fè men sa pa anpeche malfra yo kontinye tire tribò pabò. Lapolis ansèkle tout Channmas la pou anpeche bandi yo pwogrese.
Depi pliske yon mwa, tout baz gang nan peyi a ap tire katouch. Sa ki parèt etonan nan istwa sa a, se paske bal yo pa janm fini pandan nou nan yon peyi ki fèmen sou tèt li.
