Justin Trudeau, premye minis kanadyen an anonse yo voye 3 lòt blennde nan peyi d Ayiti nan sa l te voye achte yo pou kontinye ede Lapolis trake bandi yo. Sou 18 blennde Leta te kòmande yo, sa fè 8 Kanada voye. Nan yon tweet Sébastien Carrière ki se anbasadè peyi Kanada nan peyi d Ayiti anonse sa tou. Blennde sa yo ka reziste ak min epi yo pwoteje kont anbiskad.
N ap raple se menm peyi Kanada sa a ki sot fè Avyon militè pase sou tèt Ayiti pou pran enfòmasyon sou gang epi ki pral voye bato nan lanmè peyi d Ayiti ankò.
