Anviwon 3 jou aprè lanmò Mikaben, kadav la toujou nan men lajistis nan peyi Lafrans. Y ap ret tann rezilta otopsi a pou yo konn vrè koz lanmò a. Drapo a ak tout bijou ki te sou atis la nan men Ekip CARIMI an. Ni moun ki Etazini ak Ayiti poko konn ni ki lè ni ki kote fineray Mika ap chante, daprè sa Carel Pedre rapòte.
Lanmò Mika vrèman entèrese lajistis peyi Lafrans e se youn nan rezon ki fè yo toujou kenbe kadav la yo poko transfere l bay fanmi l. Fanmi an toujou sou chòk e yo poko menm gen aksè ak kadav pitit yo a.
