Nan kad 5e jounen mouvman leve kanpe ak kraze brize ki gen nan peyi a, chèf gang yo sanble pa vle fè zewo e yo vle mete Lapolis an dawout. Jodi vandredi 16 septanm nan, anplis de Jimmy Chérisier ki nan lari a, anba Dèlma, chèf gang Vithelome ap chache pran kontwòl Wout Frè bò kote pa l.
Selon enfòmasyon yo, gang Vithelome nan ap tire anpil kout zam, y ap tante atake biznis moun ki nan zòn Wout Frè a. Si Lapolis deside leve konje tout polisye pandan yo entèdi tout moun ki gen pèmi pou pote zam fè sa jiskaske tout bagay antre nan lòd, sanble se plis otorizasyon yo akòde gang yo.
