Prezidan Repiblik la Jovenel Moïse, ki t ap patisipe nan senkyèm (5) jounen Ekonomi mande opozisyon an pou reveyel. Lokatè palè nasyonal la fè konnen koze tranzisyon an fini, pap gen sa ankò. Tout moun ki vle pran pouvwa achte bòt yo komanse ale nan pwovens yo, pou fè kanpay.

Jovenel Moïse di piga pèsonn vin pale nan zòrèy li, pou di gen pwoblèm, paske sèl pwoblèm ki gen kounya se eleksyon an. Depi kounya mesye opozisyon yo mèt komanse fè kanpay, pa ret chita pale sèlman nan radyo, si non y ap toujou fè 1% ou byen 0,5% aprè y ap di yo vòlè eleksyon nan men yo.

Lokatè palè nasyonal la fè konnen nan sans sa, lè eleksyon an fin òganize, menm jou a tout moun ap konnen rezilta yo, pou evite gen boule kawotchou, pou pèsonn pa di yo vole eleksyon nan men yo.

Kontrèman a sa opozisyon an ap mande, Jovenel Moïse klè sou pozisyon l, li pap fè yon pa, avan 7 fevriye 2022.

Jeff Jean Joseph