Prezidan Repiblik la Jovenel Moïse, nan yon tweet, fè konnen dizèl la ak Kewozèn nan pral bese nan ponp yo.
5 goud ap sòti sou dizèl la epi 10 goud sou kewozèn nan.
“Nan kad konba nap mennen pou pèmèt popilasyon an rale yon souf nan zafè gaz la, galon Dizèl la ki 174 goud jodi a pral vann 169 goud, Kewozèn nan ki 173 goud pral desann a 163 goud. Nan kole zepòl, tèt ansanm, nap rive kwape lavi chè a, nan benefis tout pèp Ayisyen an”, deklarasyon prezidan Repiblik la nan yon tweet sou kont ofisyèl li.
N’ap raple nouvo pri sa yo ap rantre nan fonksyon sou mache a apati lendi k ap 26 oktòb 2020.
Jeff Jean Joseph
