Jan sa te anonse a, jounen madi 5 desanm 2023 sa a, Joseph Vincent avwe devan Tribinal Federal nan Miami li te patisipe nan plizyè reyinyon ki ta pral debouche sou asasina Jovenel Moïse la. Akize a rekonèt li menm ak anpil lòt gwo bra nan sektè prive ak politik te manniganse yon konplo pou elimine prezidan an. Sa fè 4 moun sou 11 sispèk ki nan prizon Etazini ki rekonèt tò yo.
Joseph Vincent vin agrandi lis moun ki rekonèt kilpabilite yo nan touye Jovenel alòske nan peyi d Ayiti, anpil lòt kontinye ap mawon lajistis.
