Ansyen senatè Lwès John Joël Joseph ki gen non l site nan asasina ansyen prezidan Jovenel Moïse te pase nan yon tribinal federal nan Miami pandan semèn nan. Akize a plede non koupab kidonk, li fè konnen li pa gen anyen pou wè ak lanmò prezidan an daprè detay ki disponib yo.
John Joël Joseph te jwenn arestasyon l nan peyi Jamayik pandan l t ap tante kache pou lajistis nan kad afè sa a, aprè sa yo te transfere l Etazini. N ap fè sonje, depi prezidan an fin asasine 7 jiyè 2021 an, se plis lajistis kay Tonton Sam ki pran dosye a pou li pandan an Ayiti kote prezidan te viktim nan, anyen poko janm di.
