Depi plizyè jou anpil kout zam ap chante nan zòn Jivena nan komin Petyonvil. Debwòs menm se pa pale. Nèg ak zam anpeche manifestan fè wout sa a kote yo tire anpil kout zam sou yo. Menm Lapolis gen gwo difikilte pou kontrenn endividi sila yo. Jiska devan Union School, mesye yo trè prezan ak gwo zam fann fwa nan men yo.
Deja gen moun ki viktim nan limit sa yo kote moun ki ame yo ap fè lalwa. Anpil moun k ap viv Jivena krenn pou zòn sa yo pa devni yon lòt fwaye gang nan peyi a. Kesyon k ap poze, poukisa se pandan gouvènman an mande èd militè etranje nan peyi a gang yo ap feraye rèd kons a?
