Renald Lubérice, ansyen Sekretè Jeneral Konsèy Minis yo, Esther Antoine, ansyen konseye prezidan an, Louis Edner Gonzague Day, ansyen minis Enteryè gen tou Anrino Destinoble ak Jean Gué. Tout moun sa yo, jij la deside tande yo sòti lendi 26 jiska vandredi 1e desanm. Li deja mande Pakè Pòtoprens pou fè tout sa l konnen pou l pèmèt moun sa yo vin kote l.
Jiskaprezan, jij Walther pa sispann tande moun nan kad dosye asasina defen prezidan an. Èske se tan l ap fè pase oubyen gen yon bagay serye k ap mache? Antouka bò kote Etazini, y ap frape fò menmsi yo konplis tou.
