Pami tout moun ki enkilpe nan dosye detounman materyèl CNE yo, Martine Moïse fenk vin agrandi lis la. Pi gwo sipriz la se paske jij la mande pou yo jele kont bankè tout moun ki enkilpe nan zafè sa a, pami yo madanm defen prezidan Jovenel Moïse la. Rezon ki fè jij Al Duniel Dimanche pran mezi sa a, se paske majorite kontra ki te siyen nan moman “Karavàn Chanjman” an, se madanm Jovenel Moïse ki te siyen yo. Gen 9 bank ki deja resevwa yon lèt pou sa.
Kidonk tout moun ki gen non yo site nan kesyon detounman materyèl CNE yo, lajan yo gen labank pral sezi, si pa gen fòs kote. Sonje gen yon ansyen depite ki deja anba kòd pou menm zafè sa a.
