Anviwon 5 jou aprè Sekretè Jeneral pati politik Pitit Desalin nan, Jean-Charles Moïse te fin pwopoze peyi a yon Konsèy Tranzisyon, li gentan repase men ladan l. Doktè Eugenia Romain ki te konteste akoz li gen doub nasyonalite deja ranplase pa yon lòt moun. Nouvo prezidan KTPS la se doktè Francoise St. Vil Villier. Gen Jacques Woubens Bordenave ki ranplase pa Nethlande Dérius nan Konsèy tranzisyon sa a tou.
Depi aprè l te fin mete kanpe Konsèy sila a, li te deja ap resevwa anpil kritik ak kontestasyon paske gen moun ki pat kredib nan desizyon sa a. N ap raple gen anpil pwozisyon sòti kriz sou tab la jodi alòske gouvènman bò kote pa l ap tann desizyon peyi etranje yo pou vin ba l bourad ak pwoblèm sa a.
