Madan Manigat ki se prezidant HCT a di Ariel Henry pa gen okenn volonte pou l pou òganize eleksyon nan peyi a. Daprè madan Manigat, gen gwo gwo reta nan pwosesis ki pou mete KEP a sou pye. Anplis de sa, ansyen chèf pati politik RDNP a di Ariel Henry vyole tout sa ki te di nan akò 21 desanm 2022 ki te sòti nan jounal ofisyèl peyi a “Le Moniteur”. Youn nan pwen akò sa a se te pou gen yon prezidan eli nan peyi a apati 7 fevriye 2024.
Se pandan madan Manigat t ap patisipe nan yon emisyon sou radyo Kiskeya li fè deklarasyon sa yo. Kidonk madan Manigat kòmanse wè kounye a li te antre nan yon batay ak Ariel Henry ke l pa t ap ka genyen paske PM sa a se jwèt mètdam l ap jwe.
