Nan yon mesaj li ekri sou Facebook, Guy Philippe di pawòl sa yo: “felisitasyon ak pèp ayisyen an ki voye yon sinyal klè epi pasifik nan tout peyi a ki montre nou prè. Si yo pa vle tande pasifik ebyen n ap fè yo tande nou jan yo vle”. Li kontinye pou l di mesaj la klè, se sistèm nan ki pou kraze pou nenpòt ti anbasad sispann dirije peyi a, sak pou pèp la dwe vin jwenn pèp la.
Guy Philippe kontinye ap fè wè l sou tout fòm atravè mesaj vokal ak ekri. Se pèp ki gen pouvwa lajan pa gen pouvwa sou pèp e l di tou lajan paka anpeche Solèy la leve. Anplis Guy Philippe presize batay la p ap kanpe tout tan chodyè a pa chavire.
