Daprè premye minis Garry Conille, se pliske 12 milya goud yo pral envestiti nan sektè sosyal la, pou yo ka sipòte moun ki pi fèb yo nan nouvo bidjè a. Pliske 8 milya goud pou transfere bay fanmi ki nan gran bezwen yo, pliske 2 milya pou 350 restoran kominotè, pliske 790 milyon goud pou akonpanye moun ki kite kay yo, 2 milyon elèv pral resevwa liv gratis pou rantre lekòl ane 2024-2025 la, 26 960 fanmi ki nan nesesite pral resevwa yo chak 20 mil goud.
Nan kad pwogram sosyal sa a, premye minis la anonse 80 mil panye solidarite pou soulaje grangou, 261 mil paran ap resevwa 20 mil goud pou ti moun yo ak lòt bagay ankò.
