Toujou gen 18 Ministè men se 14 minis k ap pran pòs paske gen Ministè ki melanje. Nan Ministè Agrikilti gen Vernet Joseph, Ministè Afè Sosyal se Wilbert Georges, pou Sante Piblik se Brignol Georges Fils. Edikasyon Nasyonal ak Ministè Kilti se Antoine Augustin ki pral jere yo, pou Ministè Kòmès ak Ministè Touris se James Mozard, Dominique Dupuy nan tèt Zafè Etranjè, Carlos Hercule nan Jistis.
Kanta Ministè Enteryè se Garry Conille k ap jere l epi Ketleen Forestal pral nan tèt Ministè Finans. Arete ki nome minis sa yo deja siyen e si pa gen lòt koub ki fèt, nan semèn sa a, gouvènman an dwe enstale.
