Lekòl la ki te dwe louvri 3 oktòb pa kapab akoz twoub sosyal, ekonomik ak politik k ap brase bil peyi a depi plizyè mwa. Tout kote nan peyi a se manifestasyon, ensekirite a ap vale tèren pi rèd toujou. Ansanm sitiyasyon sa yo ak anpil lòt ankò mete gouvènman an nan gwo difikilte menmsi yo fè tankou yo pa konprann sa.
Pwoblèm grangou ak lamizè mete tout moun nan gwo kè sote, sa ki lakoz yo paka voye pitit lekòl. Galon gaz la vann tèt nèg. Okenn machin paka fonksyone, lopital ak tout gwo biznis nan peyi a fèmen pòt yo. Pandan tan sa a, administrasyon politik la rete ak bouch yo fèmen k kote y ap tann sipò letranje.
